ПРАВОБРАЗНАЕ ТЛУМАЧЭННЕ ПЕРШАГА БАЧАННЯ Ў ПРАДМОВЕ ФРАНЦЫСКА СКАРЫНЫ ДА КНІГІ ПРАРОКА ДАНІІЛА

Abstract

У артыкуле раскрываюцца паняцці правобраза і правобразнага тлумачэння на матэрыяле прадмовы Францыска Скарыны да старазапаветнай кнігі прарока Данііла. Асаблівая ўвага надаецца тлумачэнням прадказанняў, у першую чаргу іншасказальных, якія змяшчаюцца ў гэтым творы. Даводзіцца, што ў аснове дадзеных тлумачэнняў палягае ідэя правобраза – прадвыяўлення ў Старым Запавеце таго, што адносіцца да асобы Ісуса Хрыста і апісваецца ў Новым Запавеце. Разглядаецца тлумачэнне Скарыны да першага бачання з кнігі прарока Данііла. З апорай на тэарэтычныя даследаванні прасочваецца паходжанне вышэйназванага тлумачэння. Падкрэсліваецца, што, створанае яшчэ ў ранні перыяд хрысціянства, у часы Францыска Скарыны, яно, як і многія іншыя, лічылася класічным і нават кананічным і таму магло цытавацца разам з уласна біблейскім тэкстам як сакральнае пісанне.