ПРАЯВЫ ВАРЫЯНТНАСЦІ Ў БЕЛАРУСКІХ ПЕСНЯХ АБРАДА «ВАДЖЭННЯ І ПАХАВАННЯ СТРАЛЫ»

Abstract

Артыкул прысвечаны аналізу дыяхроннай варыянтнасці структуры і семантыкі беларускіх народных песень веснавога цыклу на матэрыяле песень абраду «Ваджэння і пахавання стралы» – унікальнага жанру, распаўсюджанага на Беларускім Палессі. Былі прааналізаваны дзясяткі напеваў і тэкстаў песень, запісаных у розных вёсках Пасожжа і Гомельшчыны на працягу ХХ стагоддзя. Абраду «Ваджэння і пахавання стралы», які бытуе да сённяшняга часу, прысвечаны шэраг даследаванняў. Аднак праца, звязаная з сістэмным аналізам вербальнага і музычнага кампанентаў песень абраду, іх варыянтнасці ў беларускай фалькларыстыцы не праводзілася. Варыянтнасць як адна з першасных уласцівасцяў народнай творчасці мае свае асаблівасці і заканамернасці ў цыкле беларускіх народных песень абраду «Ваджэння і пахавання стралы».