Мнагазначнасць слова ў беларускай мове

Abstract

Манаграфія прысвечана моўнай рэпрэзентацыі чалавека як носьбіта нацыянальна-культурных і гістарычных традыцый, рэтранслятара культурных дамінант, каштоўнасных уяўленняў і філасофскіх асноў жыцця беларускага народа. Разглядаюцца другасныя (перш за ўсё метафарычныя) намінацыі, якія дазваляюць уявіць увасоблены ў моўнай карціне свету даволі канкрэтны, наглядны і шматгранны вобраз сучаснага чалавека. У розных фрэймах аналізуюцца анімістычныя, зоамарфічныя, персаніфікаваныя, антрапамарфічныя, саматычныя, гукавыя, экзістэнцыяльныя, тэмпаральныя, псіхалагічныя і ментальныя намінацыі. Асобныя фрэймы прысвечаны намінацыям кахання і любові, а таксама другасным займеннікавым адзінкам. Завяршаецца манаграфія «Слоўнікам другасных антрапамарфічных намінацый», у якім сістэматызуецца і апісваецца больш за 850 сэнсавых цэнтраў.