Элементы матэматычнага аналізу на факультатыўных занятках па матэматыцы

Abstract

Адной з асноўных мэтаў выкладання элементаў матэматычнага аналізу ў школе з’яўляецца навучанне вучняў некаторым прыкладанням вытворнай. Неабходна адзначыць, што ў школьнам курсе матэматыкі практычна не разглядаюцца алгебраічныя прыкладанні вытворнай. Пад алгебраічнымі прыкладаннямі вытворнай мы разумеем прыкладанні яе да рашэння задач, якія адносяцца традыцыйна да алгебраічных. Вядома, што вытворная паспяхова можа выкарыстоўвацца пры пераўтварэнні алгебраічных выразаў, раскладанні на множнікі, доказе тоеснасцей, вылічэнні сум, рашэнні раўнанняў, няроўнасцей і сістэм, доказе няроўнасцей, рашэнні задач з параметрамі і г. д. У дадзеным артыкуле разгледзім толькі пытанне выкарыстання вытворнай пры доказе тоеснасцей і няроўнасцей