БЕЛАРУСКІЯ КІРЫЛІЧНЫЯ ВЫДАННІ 2-Й ПАЛОВЫ XVI СТ. У КНІЖНАЙ ПРАСТОРЫ БЕЛАРУСІ

Abstract

У артыкуле разглядаюцца беларускія кірылічныя кнігі 2-й паловы XVI ст. як духоўныя і матэрыяльныя каштоўнасці. Тэксты Свяшчэннага Пісання, Падання і святых айцоў хрысціянскай царквы, богаслужэння, царкоўнага і грамадзянскага права ўваходзілі ў састаў славянскай друкаванай кнігі 2-й паловы XVI ст. У гэты час прадоўжылася кірылічнае кнігадрукаванне, пачатае Францыскам Скарынам у Празе, і была выдадзена значная колькасць беларускіх кірылічных выданняў. Кнігі, якія выдаваліся братамі Мамонічамі, Пятром Мсціслаўцам, Брацкай друкарняй, а таксама Сымонам Будным і Васіліем Цяпінскім, захоўваліся і цяпер захоўваюцца ў манастырскіх, царкоўных і прыватных бібліятэках не толькі Беларусі, але і за яе межамі – у Расіі, Украіне, Літве і іншых краінах. Вытворчасць і распаўсюджанасць кніг сведчыць пра патрэбу духоўнай літаратуры ў Беларусі.