ФАРМІРАВАННЕ І ДЗЕЙНАСЦЬ СУДОВЫХ ОРГАНАЎ НА АКУПАВАНАЙ НЯМЕЦКІМІ ВОЙСКАМІ ТЭРЫТОРЫІ БЕЛАРУСІ (САКАВІК – ЛІСТАПАД 1918 Г.)

Abstract

У выніку наступлення германскіх войск у лютым – сакавіку 1918 г. і падпісання Брэст-Літоўскага мірнага дагавора пад кантролем немцаў аказалася большая частка тэрыторыі Беларусі (за выключэннем некаторых усходніх і паўночных паветаў). Адным з кірункаў палітыкі акупацыйных улад стала ўзнаўленне на занятай тэрыторыі дзейнасці судовых органаў, скасаваных бальшавікамі. У працы судоў па рэгуляванні канфліктаў, якія ўзнікалі ў асяродку мясцовага насельніцтва, яны бачылі інструмент умацавання акупацыйнага рэжыму, бо гэта адпавядала ўмовам падтрымання ў краі грамадскага парадку і спакою. Пры гэтым у разглядаемы перыяд былі працягнуты эвалюцыйныя пераўтварэнні правасуддзя, накіраваныя на больш поўную рэалізацыю прынцыпаў судаводства і судаўладкавання, абвешчаных яшчэ судовымі статутамі 20 лістапада 1864 г. (пачалі сваю працу выбарныя міравыя суддзі, пры Мінскім акруговым судзе быў створаны орган карпаратыўнага ўладкавання адвакатуры – савет прысяжных павераных).