СТАН ПАНСКАЙ ГАСПАДАРКІ БЕЛАРУСІ НАПЯРЭДАДНІ АДМЕНЫ ПРЫГОНУ

Abstract

У артыкуле аналізуецца стан памешчыцкай гаспадаркі Беларусі напярэдадні адмены прыгону. Аналізуюцца асаблівасці гаспадаркі памешчыкаў Беларусі ў параўнанні з карэннымі расійскімі губернямі, паказваецца, што да сярэдзіны ХІХ ст. у сацыяльна-эканамічным жыцці беларускіх губерняў адбываюцца важныя змены. Вызначаюцца фактары, уплываўшыя на эвалюцыю матэрыяльнага становішча і тэмпы ўключэння дваранства ў новыя капіталістычныя адносіны. Падкрэсліваецца роля памешчыкаў-прадпрымальнікаў як носьбітаў тэхніка-эканамічнага развіцця сельскай гаспадаркі краю. Робіцца выснова, што ў сярэдзіне ХІХ ст. памешчыцкая гаспадарка Беларусі заставалася ў значнай ступені жыццяздольнай і не знаходзілася ў стане глабальнага крызісу.