АСВЯТЛЕННЕ ПЫТАННЯЎ ДАЛУЧЭННЯ РЭСПУБЛІКІ БЕЛАРУСЬ ДА ЕЎРАПЕЙСКАЙ ПРАСТОРЫ ВЫШЭЙШАЙ АДУКАЦЫІ НА СТАРОНКАХ «НАСТАЎНІЦКАЙ ГАЗЕТЫ»

Abstract

У артыкуле разглядаюцца асаблівасці адлюстравання тэмы Балонскага працэсу і далучэння да яго Рэспублікі Беларусь на старонках вядучага айчыннага педагагічнага выдання – «Настаўніцкай газеты» – за перыяд з 1999 г. (афіцыйная дата пачатку Балонскага працэсу) па 2015 г. (год, калі Рэспубліка Беларусь падпісала Балонскую дэкларацыю і стала ўдзельніцай Еўрапейскай прасторы вышэйшай адукацыі). Вылучаюцца тры этапы асвятлення дадзенай тэмы, кожны з якіх характарызуецца сваімі асаблівасцямі. Сярод іх – актыўнае тлумачэнне патрабаванняў агульнаеўрапейскага інтэграцыйнага працэсу і трансліраванне думкі аб неабходнасці захавання лепшых традыцый айчыннай адукацыі пры ўваходжанні ў еўрапейскую адукацыйную прастору. Пры гэтым без увагі і каментарыяў заставаліся некаторыя спрэчныя пытанні Балонскага працэсу, што не спрыяла павышэнню іміджу выдання.