Некаторыя асаблівасці дэрывацыі асабовых ацэначных субстантываў у беларускай дыялектнай мове

Abstract

Артыкул прысвечаны маладаследаванаму ў беларускім мовазнаўстве пытанню – дэрывацыі субстантываў са значэннем суб’ектыўнай ацэнкі ў народных гаворках. У артыкуле аналізуюцца погляды розных даследчыкаў (як беларускіх, так і рускіх і ўкраінскіх) на гэтае пытанне. Аўтар артыкула звяртаецца да прац такіх вядомых лінгвістаў, як В.У.Вінаградаў, І.А.Далгоў, А.А.Земская, А.І.Сабалеўскі, С.С.Плямаватая, Б.В.Хрычыкаў, П.М.Чайкун, В.І.Максімаў і інш.